慕殘

書入面冇好明顯嘅情感表達，感覺夏時從來都係處於一個好理智嘅角度去看待唔同嘅事。即使係描述緊佢同唔同人之間嘅情感交流，都感覺比較detached，唔知係作者寫作風格影響定點。感覺最明顯顯示到夏時係dom，反而係佢同嶄星橋嘅對手戲（尤其是AN嘅對手戲更明顯）睇得出佢對局勢嘅全盤掌握，將人玩弄在掌心中間。 文案其實有少少虛假說明，因為夏時同倪篤臣從頭到尾都只係公事上嘅關係，正確嚟講倪篤臣同埋嶄星橋都唔係「臣服者」。「慕殘」呢個名，除咗AN之外可以同戀慕「殘暴」扯上少少關係之外（其實如果係走呢條線，單用AN設定，寫夏時、嶄星橋同埋傅希摯之間嘅三角關係，應該會仲好睇同更貼題）。感覺有啲可惜。 希望可以多啲feature夏時嘅前男朋友，總好過倪篤臣呢條冇發展過嘅線。（作者亦承認佢只係作為夏時生活嘅旁觀者，咁即係無太多情感上嘅交流，除咗推進劇情之外serve到咩purpose？） 喺本書度我唔太覺得有嗰種好強烈嘅需求，感覺呢種生活模式對於唔同角色好似可有可無嘅感覺。Which就一本專講BDSM嘅書，已經失去佢一半嘅魅力。三分係俾作者嘅博學（好多有趣嘅reference）同埋嶄星橋條線。